Ruoktot – Saemien gievrieh gåetide buektedh, lea vuesiehtimmie maam Saemien Våarhkoe/De samiske samlinger, mij tseegkesovvi 1972, 50-jaepien heevehtimmievuesiehtimmine utni.

Ruoktot lea noerhtesaemien jïh sæjhta jiehtedh gåetide jarkedh. Golmendimensjonaale guvvieh vïjhte saemien gievrijste leah vuesiehtimmien jarngesne. Akte dejstie gievrijste lea joe bååstede båateme Saapman. Njieljie jeatjah gievrieh annje vuertieminie gåetide båetedh, juktie sijjen åålmeginie ektine årrodh.

Vaanterdimmievuesiehtimmie heevehtimmievuesiehtimmiem våaroeminie åtna mij rïhpesti museumisnie RiddoDuottarMuseat (RDM) – Sámiid Vuorká-Dávvirat (SVD) Kárášjohkesne voerhtjen 2022. Vuesiehtimmie bååstedesertemem gievrijste jarngesne åtna, jïh vihteste Anders Poulsenen gievrie, mij museumisnie orreme 1979 raejeste, sertiestovvi RDM-SVD:se tsïengelen 2022. Dellie gievrie byjjeslaakan sertiestovvi Nasjonalmuseetistie Københavnesne RDM-SVD:se. Daate lij aavoesaernie gaajhkesidie mah gellie luhkiejaepieh leah barkeme ihke gievrie edtja bååstede båetedh saemien aajhtarasse.

Vaanterdimmievuesiehtimmie lea laavenjostoe daej saemien museumi gaskem: RiddoDuottarMuseat (RDM) – Sámiid Vuorká-Dávvirat (SVD), Ájtte, Árran, Nordlandsmuseet, Saemien Sijte jïh Siida. Nöörjen Saemiedigkie jïh Noerhtelaanti Ministereraerie, Noerhtelaanti kultuvregaskesen baaktoe, leah dåarjoem vaanterdimmievuesiehtæmman vadteme.

Vuesiehtimmie rïhpeste goevten 27.b. Saemien Sijtesne jïh maahta dam vuejnedh dovne suehpeden 23.b.

Lohkh vielie vuesiehtimmien bïjre daesnie:
RUOKTOT – en vandreutstilling