Gosse jeatjah almetjh gaavnedibie jïjtjemem varke guvviem darjobe gie dah leah. Guktie daate guvvie sjugniesåvva?  Jis ih almetjen histovrijem damth, datne indivijdem jallh stereotypijem vuajnah?

Vuesiehtimmie “I ditt bilde – Jïjtjedh guvvesne – Fremstillinger og oppfatninger av samer” daejtie gyhtjelasside geatskene viehkine tematiseeredh guktie lea saemieh åehpiedahteme guvvine jïh teekstine. Saemien portrehth våarhkoste fotograafen mietie Lars Ingulfsvand (1885-1913) sitaath gaavnesjieh saemien identiteeten bïjre, antihken raejeste jïh mijjen tïjjen raajan. Teeksth veedtjesovveme gellie vaeljehke gærjijste, plaerijste jïh sosijaale medijijstie. Naemhtie guessie haestemem åådtje ussjedadtedh guktie satne saemien seabradahkese vuartesje, sov gaavnedimmiej bïjre mubpiejgujmie jïh ij goh unnemes gyhtjelasse: guktie jïjtjedh vååjnh mubpiej tjelmine?  

Vuesiehtimmie lea laavenjostoe gaskem Saemien Sijte, Levanger Fotomuseum jïh Stiklestad Nasjonale Kultursenter. Vuesiehtimmiem darjoeji jïh voestes aejkien vuesiehti 2017.