Saemien Sijten bïjre

Saemien Sijte lea åarjelsaemien museume jïh kultuvrejarnge Snåasesne. Saemien Sijte lea aaj gaavnedimmiesijjie ovmessie darjomes. Åarjel Saepmie leah Raaneste Engerdalese.

Saemien Sijten nasjonaale dïedte lea åarjelsaemien kultuvrem vïhtesjidh, vaarjelidh, dotkedh jïh saarnodh. Aerpiemaahtoeh, histovrije jïh kultuvremojhtesh registreeredh leah aalkoevistie, jaepien 1964 raajeste vihkeles årreme. Nænnoestehtedh åarjelsaemien identiteetem, gïele, ektievoetem jïh båetije biejjieh leah kultuvregyhtjelassh maam Saemien Sijte museumsbarkoem baalte barka. Daeverereerenassem lea akten Saemien Sijten vihkielommes barkoe. Dellie mijjieh daeverh, guvvieh, filmh, tjoejh, våarhkoeh, kåanste jïh båeries gåetieh åadtjoejibie jïh vöörhkelibie.  

Saemien Sijten lea medtie 500 daeverh, jïh edtja medtie 160 daeverh Norsk Folkemuseumistie jïh Kulturhistoriske museumistie Oslosne åadtjodh Bååstede-prosjektesne. Smaave jïh stoerre dåehkieh åadtjoeh Saemien Sijtese båetedh jïh skuvleklaassh, sïelth jïh turisth maehtieh dorjehtimmiem åadtjodh. 

Fïerhten jaepien Saemien Sijte ovmessieh kulturelle jïh faageles öörneme utnieh. Fïerhten nubpien jaepien Tjaktjen Tjåanghkoe – åarjelsaemien tjaktjefestivaale ovmessie Snåasen institusjovnh ektesne öörnesåvva.