Aktiviteter
Maam eatnamidie ih sïjhth dassedh? Datne lih maahteme laakem meadtodh juktie eatnemem vaarjelidh?
«Stilla – en forestilling» lea vuesiehtimmie musihkine jïh soptsestalleminie eko-sårkoen, siknen jïh sijjieteehpemen bïjre, sivijle ovluvregevoeten jïh eko-terrorismen bïjre.
Daate sijjiej bïjre mejtie gaerhtebe. Tjåadtjodh goltelidh mearan jeanoe jïengedasta. Baalkam vaedtsedh maam juelkieh aarebistie demtieh. Fjovlesne gööledh jïh gaajtoegaahkoej bïjre. Sårkoen bïjre gosse sijjieh, mejtie gaerhtebe, smualkoeh. Monsteremaasteri, bïegketurbijni jïh gruva-aavjoen bïjre. Åålmegereaktaj bïjre jïh mij raaktan jaahkevïrres.
Stillesne gyhtjelassh gihtjebe dan bïjre maam ibie sïjhth dassedh. Man vööste datne jïjtje lih sïjhteme gïrredh dabran lïenghkigujmie?
Dialogine, musihkine jïh juekieminie sinsitnine vuesiehtimmie daajroem jïh nov sån aaj heartoeh jïh soelkedassem faalehte. Dorjehtæjjah, guessieh jïh vuartasjæjjah ektie dååjresh juekieh jïh dååjroeh.
Vuesiehtimmesne dorjehtæjjah Bernt Bjørn, Ivar Beddari jïh Trond Peter
Stamsøe Munch sijjen sijjien jïh sijjieteehpemen bïjre soptsestieh.
Fïerhtene spïelesijjesne guessiem åadtjobe aktede gie eatnemeskilkehtassi bïjre soptseste jïh guktie daate dovne praktihkeles jïh domtesidie baajnehte. Lissine dorjehtæjjah åadtjoeh tjiehpiedæjjavoelpem meatan utnedh gie ektiedimmiem sæjjan åtna.
Vuesiehtimmie lea daaroengïelesne jïh ånnetji saemien.
Saemien Sijtesne mïetsken 25.b ts. 19.00
Öörn: Gïelem nastedh jïh Saemien Sijte