-Gå stuorov de juhtusijt sidáv sujttit, Sanna javllá. 11-jahkásasj Sanna juhtusijt ähttsá.Sábme la ja Jåhkåmåhken Sámen årru, aktan äjgádji, vieljatjijn ja bednagij Siva ja Saj. Álu li miehtsen älov gehtjadime. Miessemärkkombále goaden årru, sárvesbále Sanna málev fierru ja lárkavbále ruossten viehket gå li lárkatjime. - Hárjjidaláv mierkkit. Gássjel la gå bielje nåv dibmása. Sara Aira Fjällström la girjev tjállám ja Lena Kuoljok Lind la gåvvim Sanna sámeniejdda Jåhkåmåhkes.